Kabhi Tu Ne Bhi Socha Hai K Ye Pyaas Hai To Kyun Hai?

Kabhi tu ne bhi socha hai k ye pyaas hai to kyun hai?
Tujhy Paa k bhi mera dil jo udaas hai to kyun hai?

Mujhy kyun aziz tarr hai ye dhua’n dhua’n sa mosam
Ye hawa-e-shaam-e-hijraa’n mujhy raas hai tou kyun hai?

Tujhy Kho k sochta hun, Meray daman-e-talab mein
Koi Khuwab hai to kyun hai, koi aas hai tou kyun hai?

Mein ujjar k bhi hoon tera, tou bicharr k bhi hai mera
Ye yaqeen hai to kyun hai, ye qayaas hai to kyun hai?

Mery tan-bar’hana dushman isi gham mein ghul rahy hain
K mery badan pe saalam, ye libaas hai to kyun hai?

Kabhi pooch us k dil se k ye khush mizaaj shayar
Apni shayari mein jo udaas hai to kyun hai?

Tera kis ne dil bujhaya, Mery ‘Aitbaar Sajid’
Ye charagh-e-hijr ab tak, teray paas hai to kyun hai ? ?

Na Gul Khilay Hain, Na Un Se Milay. .

Na gul khilay hain, na un se milay, na mae pi
Ajab rung mein ab k bahaar guzri hai. . !

Tark-e-Muhabbat Ko Ik Umer hui.

‘Nadeem’ tark-e-muhabbat ko aik umer hui
Mein ab bhi soch raha hun k bhool jaun usey. . !

Meray Hissay Ki Be-Taabi. .

Meray hissay ki be-taabi mujhay mil hi jaye gi. .
Wo nahi’n aata, na aaye mera kia le jaye ga. . !

Mein Phool Chunti Rahi Aur Mujhy Khabar Na Hui. . !

Mein phool chunti rahi aur mujhy khabar na hui. .
Wo shakhs aa k mery sheher se chala bhi gaya. .

Gar lams nahi to lafz bhe bhej!

Gar lams nahi to lafz bhe bhej!
Mein tujh se juda rahoo’n kab tak?

Pehli Muhabbat Yaad Aati Hai. . !

Door ufaq ki tareeki mein
Bijli jab bhi lehraati hai

Shama jalatay lamhay aksar
Kamray k ghup andheray mein

Pehli muhabbat yaad aati hai
Autograph talab karny jab

Koi haseena ghar aati hai
Barri barri aankho’n se jab wo

Dekh k mujh ko sharmati hai
Maazi mein kho jata hoon

Chota sa ho jata hoon
Pehli muhabbat yaad aati hai

Shaam-e-khizaa’n jab tanha tanha
Baagh mein sair ko jata hoon

Kisi udas larki ko jab
Bench pe tanha paata hoon

Janay kyun yaad aa jata hai
Aik khizaa’n ki sham ka manzer
Jab hum dono juda huay they. . !

Hamaray beech ka faasla tou chaar qadam tha. .

Hamaray beech ka faasla tou chaar qadam tha
Tae kiya to sadiyon ki musafat thi

Ujray to hum they is ishq mein
Chehray pe us k saray zamanay ki thakan thi

Muddat baad usey pareshan dekha hai
Aansuon mein doobi na janay kin soch’on mein magan thi

Tum to mujhy faramosh kar gaye they lekin
Tujhy faramosh karny mein ik sadi lagi thi

Aaj gali mein kah raha tha koi k
Wo chorr gai hai jisy ‘Gul’ ko inteha ki lagan thi. .

Mujhy Us Se Muhabbat Hai. .

Wo kehta tha!
Tum aao sheher mera ghaur se, nazdeek se dekho

Yahan k log aur un ki saqafat. . .aur
Kisi ko paa k khonay ki haseen lazzat

Yahan ka rehna, basna, bolna, hansna
Muhabbat k anokhay roop

In ki chaa’on in ki dhoop tum dekho!
Yahan k jazbay boht sachay, boht achay boht masoom hoty hain

Mery dil ne kaha aao samander choo k dekhaingy
Wahan ja kar laga wo sheher mera hai

Wahan sahil bhi mera us pe likhy khuwab mery hain
Samander ki sabhi mauj’on pe mery aks thehery hain

Wo saray log mery hain sabhi manoos chehray hain
Wahab mitt, hawain, phool, pathar tak lagy apny

Magar ik ajnabi c,daimi dil ko kasak is shakhs ne bakhsi
jo aksar tang karti hai, jo mujh se jang krti hai

Boht socha k aisa kyun hua, kaisy hua aakhir
Tou dil ne holay holay se kaha ye sab to hona tha

Tumhain us shakhs se milna, usey pana, khona tha
Azal se is tarha hota chala aya

Anokha bhaid hai is ko kisi ne kab, kahan paaya
Bus itni baat tum ko yaad rakhni hai

Tumhain us se muhabbat hai
Laga chaar’on taraf fitrat pukaar uthi

Tumhain us se muhabbat hai, Tumhain us se muhabbat hai
Mery dil ne mery honton ne bhi iqraar ki manzil choo kar

kah diya Yak Dam
Mujhy Us se Muhabbat Hai
MUJHY US SE MUHABBAT HAI. . !

Aaye dil tu kiyun udaas hai

Aaye dil tu kiyun udaas hai,
Naa jine ki koi aas hai,
Kiyun usse panay ki tujhe hai arazu,
Jo ab kisi aur ke liye khaas hai…

Phir Aaj Koi Gazal Tere Naam Na Ho Jaye

Phir Aaj Koi Gazal Tere Naam Na Ho Jaye !!
Kahin Likhte Likhte Shaam Na Ho Jaye !!

Kar Rahe Hain Intezaar Teri Mohabbat Ka !!
Isi Intezaar Me Zindagi Tamam Na Ho Jaye !!

Tum Se Bohat Kuch Kehna Hai Magar.

Tum se Bohat Kuch

Kehna Hai Magar !!

Kabhi Tum Nahi Milte

Kabhi Alfaz Nahi Milte !!

Ye Doriyan Tu Mita Doon Mein

Ek Pal Mein Magar !!

Kabhi Kadam Nahi Chalte

Tu Kabhi Raste Nahi Milte !!

Tumhen Pana Chahti Hoon

Umar Bhar Ke Liye Magar !!

Kabhi Halat Nahi Milte

Tu Kabhi Jazbat Nahi Milte !!

Meri khushbu tumhe kholey gi gulaabon ki tarah..

Meri khushbu tumhe kholey gi gulaabon ki tarah,
Tum agar khud se na bolo ge to yaad aaon ga..

Zikr ik roz palattney ka kiya tha tum ne..

Zikr ik roz palattney ka kiya tha tum ne ,
Ik diya dil ke andherey mein jala rakha hai..

Us waqt intizar ka aalam na puchiye..

Us waqt intizar ka aalam na puchiye,
Jab koi bar bar kahe, aa raha hoon mein..

Aaya na aik baar ayyadat ko wo maseeha..

Aaya na aik baar ayyadat ko wo maseeha,
So baar hum faraib se beemar ho gaye..

Bahaar ki badnaseeb raatain bhula rahi hain chalay ao bhi

Bahaar ki badnaseeb raatain bhula rahi hain chalay ao bhi,
Kisi sitaaray ka dil ban kar , kisi kay dil ka karaar ban kar

Baalon main apna saja liye apnay gajray tumharay naam kay

Baalon main apna saja liye apnay gajray tumharay naam kay,

Khud hi haya anay lagi saye barhay jab shaam kay