Hawa thami thi zaror lekin

Hawa thami thi zaror lekin
Wo sham jesy sisak rhi thi
K zard patto ko andiyun ny
Ajeeb Qisa suna diya tha
K jis ko sun kar tamam patty
Sisak rahy thy
Bilak rahy thy
na Jany kis saanhay k ghum main
Shajar jaron se ukhar chuky thy
Boht talasha tha hum ne tum ko
Har ek rasta
Har ek wadi
Har ek parbat
Har ek ghati
kahin se teri khabar na i,
To ye k
Hum ne bhi dil ko tala,
Hawa thamy gi to dekh lein gay,
Hum us k raston ko dhond lien gay,
Magar hamari ye khush khyali,
Jo hum ko barbad kar gei thi,
Hawa thami thi zaror lekin,
Bari hi mudat guzar chuki thi,
Humare baalo k junglon main,
Sufaid chandi utar chuki thi,
Falak pe taary nahi rahe thy,
Gulab pyary nahi rhy thy,
Wo jin sy basti thi dil ki basti,
Wo log sary nahi rahy the,
Ye almiya sub sy bala tar tha,
K Hum tumhary nahi rahy thy,
K Tum humary nahi rahy thy,
Hawa thmi thi zaror lekin,
Bari hi mudat guzar chuki thi...!